Lindi: Mbunge wa Mtama, Nape Nnauye apata ajali akiwa safarini kuelekea wilaya ya Liwale

Mbunge wa (CCM), Jimbo la Mtama mkoani Lindi Nape Nnauye, amepata ajali baada ya gari aina ya Land Cruiser VX yenye namba T 349 DEL alilokuwa amepanda kupinduka leo asubuhi Septemba 24, 2018 katika kijiji cha Kibutuka, akiwa safarini kuelekea wilaya ya Liwale kushiriki kikao cha Kamati Kuu ya siasa mkoa wa Lindi.

Mwandishi wa Azam News mkoani Lindi, John Kasembe amesema hakuna madhara makubwa yaliyotokea kwa waliokuwa ndani ya gari na nje ya gari.

Ameeleza kuwa Nape Nnauye alikuwa njiani kwenda kuungana na ziara ya Katibu Mkuu wa CCM Taifa, Dr Bashiru Ally anayezuru wilayani Liwale mkoani Lindi.

Hii ni mara ya Pili kupata ajali akielekea Lindi. Zaidi soma=>Nape Nnauye apata ajali Kilwa, alikuwa akitokea Dar kuelekea Lindi - JamiiForums